Risgo biolochico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Fizón d'una viespa, con una gota de vereno

Marea roya en California producida por un alga dinoflachelada que fa una bioinvasión.

Un risgo biolochico ye un tipo de risgo natural relacionau dreitament con os sers vivos. Bi ha risgos biolochicos por augmento u plegada de sopetón de poblacions nuevas d'una especie, pero tamién por a simpla presencia natural de sers vivos periglosos (infecciosos u verenosos).

Son tipos de risgos biolochicos as plagas, as bioinvasions, a presencia d'especies verenosas, una alta concentración de polen, as infeccions y as infestacions.

Os risgos biolochicos pueden afectar a tres livels: sobre a población humana, sobre o medio ambient u sobre os biens culturals.